PRESENTACIÓN.... BENVIDA.... SAÚDO....

A revista ANDURIÑA naceu hai moitos anos coa idea de canalizar as  inquietudes artísticas do noso alumnado. Como tantas outras revistas escolares, comezou con poucos medios e recursos e facíase mediante fotocopias e multicopista. Co paso dos anos foi ganando terreo e foi mellorando en calidade da edición. E con  ánimo de mellorala, pasou por diferentes etapas, pero sempre reflectindo  o traballo do noso alumnado.

 

Este curso, o EDLG comezará unha nova etapa de ANDURIÑA, quere estar máis preto de vós e para iso creou este blog que irá actualizando con  actividades que se realizarán ao longo dos seguintes cursos. Trataremos de contribuir á normalización e fomento do uso do galego, compartindo experiencias e actividades levadas a cabo no colexio.

 

Este blogue, a diferencia da versión da revista impresa, aproveita a tecnoloxía que nos permite facelo máis actractivo, interactivo e mellor esteticamente e, con dispositivos como un móbil, unha tablet ou iPad facilÍtasenos a tarefa de ler a revista en alta definición, imitando o formato papel pero coas ventaxas do virtual: enlaces, vídeos, imaxes ao detalle…

 

O blog ANDURIÑA serve como medio de comunicación alternativo ás redes sociais e todos tedes voz nel, e todo cabe nel, compartide un pouco de tempo coa familia e botállede un ollo!

Agardamos que sexa do voso interese!